ត្រជាក់ភ្នែកពេលបានឃើញផ្ទះ Michael Jackson កំពុងដាក់លក់៩,៦លានដុល្លារ

ផ្ទះដូចវិមានរបស់ស្ដេចចម្រៀងប៉ុប Michael Jackson ដែលមានទីតាំងទីក្រុង Las Vegas រដ្ឋNevada កំពុងដាក់លក់លើទីផ្សារក្នុងតម្លៃ៩,៦លានដុល្លារ បន្ទាប់ពីដាក់ជួលអស់ជាច្រើនឆ្នាំ។

Michael បានដាក់ជួលផ្ទះនេះតាំងពីឆ្នាំ២០០៧រហូតដល់លោកបានស្លាប់ក្នុង ឆ្នាំ២០០៩ ហើយវាក៏ជាទីកន្លែងដែលម្ចាស់បទ “Smooth Criminal” រស់នៅមុនពេលជួលជាមួយកូនៗដើម្បីជៀសឲ្យឆ្ងាយពីភ្នែករបស់ សាធារណៈ។ ផ្ទះដ៏ប្រណិតនេះមានទំហំផ្ទៃដីជាង៦ ៨០០ម៉ែត្រការ៉េនិងផ្ទៃផ្ទះទំហំជាង២ ៤០០ម៉ែត្រការ៉េ។ ជាមួយនឹងបន្ទប់គេង៧និងបន្ទប់ទឹក១២ វាក៏មានបរិក្ខារផ្សេងៗដូចជា អំពូលភ្លើងដូចពេជ្រ រូបថតនិងព្យ៉ាណូរបស់ Michael Jackson និងរបស់របរផ្សេងៗទៀត៕