វិធីធ្វើបង្អែមត្រាវដ៏ល្បីរបស់ថៃ
ដើម្បីបង្កើនរសជាតិថ្ងៃចុងសប្តាហ៍ លោកអ្នកគួរសាកល្បងវិធីធ្វើបង្អែមត្រាវនេះសាកមើលទាំងអស់គ្នា ដើម្បីឱ្យប្លែកមាត់ប្លែកអារម្មណ៍ ព្រោះល្បីថាវាជាបង្អែមពេញនិយមណាស់នៅស្រុកថៃ។
១. ត្រាវចំហុយកាត់ជាកង់ៗ ២ ចានចង្កឹះ
២. ខ្ទិះដូង ៣ ទៅ ៤ ចានចង្កឹះ
៣. ម្សៅអង្ករដំណើប ១ ចានចង្កឹះ
៤. ម្សៅដំឡូងមី ១ ចានចង្កឹះ
៥. ស្ករស ១ ចានចង្កឹះ
៦. អំបិល កន្លះស្លាបព្រាបាយ
៧. ទឹកធម្មតា ឬទឹកដូង ១ ចានចង្កឹះ
៨. ស្លឹកតយ ៣ ទៅ ៥ សន្លឹក (ស្រេចចិត្ត)
៩. សាច់ដូងខ្ចី ១ ចានចង្កឹះ
១០. ពងទា (ដាក់ក៏បាន មិនដាក់ក៏បាន)
* វិធីធ្វើ
ចំហុយត្រាយឱ្យឆ្អិន។ ឆ្លៀតពេលកំពុងចំហុយត្រាយ ទៅកោសយកសាច់ដូងខ្ចី។ បន្ទាប់ពីត្រាវឆ្អិន សូមយកប្រដាប់កិនសាច់ត្រាវឱ្យទៅជាកម្ទេចល្អិតៗ ហើយលាយម្សៅទាំងពីរមុខចូល ហើយច្របាច់ឱ្យសព្វ។ ពេលកំពុងច្របាច់ម្សៅនិងត្រាវឱ្យសព្វសាច់គ្នា សូមស្រោចខ្ទិះដូងចូលម្តងមួយស្លាបព្រាៗ (មួយចានចង្កឹះ) រួចបន្តច្របាច់រហូតទាល់តែសព្វសាច់និងខ្ទិះដូចចូលត្រាវនិងម្សៅ ។ បន្ទាប់មកចាក់ទឹកដូងមួយចានចង្កឹះចូល ហើយច្របាច់បន្ថែមទៀតរហូតទាល់តែស្អិតល្មួត។
បន្ទាប់មកទៀត ពូតត្រាវជាកូនដុំតូចៗ។ រួចហើយ ចាក់ទឹកចូលខ្ទះ ៤ ចានចង្កឹះ ហើយដាំឱ្យពុះល្មម។ យកត្រាវដុំៗនោះទៅស្រុសទឹកក្តៅរហូតទាល់តែឆ្អិន។ បន្ទាប់មកស្រង់ដាក់ក្នុងទឹកឱ្យវាត្រជាក់។
វិធីធ្វើបង្អែមត្រាវដ៏ល្បីរបស់ថៃ
Reviewed by No Cam
on
11:37:00 PM
Rating:
No comments: