មូលហេតុដែលអ្នកត្រូវញុំាត្រសក់នារដូវក្តៅនេះ

អ្នកទាំងអស់គ្នាប្រហែលជាចូលចិត្តញុំាត្រសក់ហើយ​មែនទេ?​ ជាពិសេសនៅរដូវក្តៅនេះតែម្តង​ យើងពឹងផ្អែកច្រើនលើ ផ្លែត្រសក់ ដើម្បីជួយរក្សាជាតិទឹកនៅក្នុងរាងកាយរបស់យើងឲ្យបានគ្រប់គ្រាន់។
ផ្លែត្រសក់បានផ្ទុកជាតិទឹកចំនួន ៩៥% ដែលវាអាចជួយគ្រប់គ្រងសារជាតិទឹក និងកម្ចាត់សារធាតុពុលពីក្នុងរាងកាយរបស់អ្នកក្នុងពេលតែមួយបានទៀតផង។
ផ្លែត្រសក់មិនត្រឹមតែអាចផ្ទុកសារជាតិទឹកប៉ុណ្ណោះទេ ហើយវាថែមទាំង​ផ្ទុកវីតាមីន​សំខាន់ៗជាច្រើន ដែលរាងកាយរបស់យើងទាមទារជារៀងរាល់​ថ្ងៃ។
ក្រុមអ្នកស្រាវជ្រាវបាននិយាយថា អ្នកមិនគួរបោះសំបកវាចោលទេ​ ពីព្រោះវាមានវីតាមីនC យ៉ាងសន្ធឹកសន្ធាប់ ហើយ​ផ្លែត្រសក់ក៏បានជាប់ចំណាត់ថ្នាក់លេខ៤​ ផ្នែកបន្លែដែលដុះច្រើនជាងគេនៅលើសកលលោក។ ចាប់តាំងពីត្រសក់ក្លាយជាអាហារដ៏ល្អប្រសើរទូទៅសំរាប់សុខភាព អ្នកត្រូវតែបញ្ជូលវាទៅក្នុងរបបអាហារប្រចាំថ្ងៃរបស់លោកអ្នក។