ក្រសួងបរិស្ថានកំណត់តំបន់ព្រៃការពារ១៨កន្លែង

ភ្នំពេញៈ នៅក្នុងសេចក្តីប្រកាសរបស់ក្រសួងបរិស្ថាន ដែលចេញផ្សាយ កាលពីថ្ងៃទី១០ ខែឧសភា ឆ្នាំ២០១៦ បានឱ្យដឹងថា តំបន់ព្រៃការពារ១៨កន្លែងមាន២​.៦៧៤.៥០៣ហិកតា ស្ថិតក្រោមការគ្រប់គ្រង និង អភិរក្សដោយក្រសួងបរិស្ថាន។ តំបន់ព្រៃការពារ និង តំបន់អភិរក្សព្រៃឈើ ចំនួន១៣កន្លែង និង ព្រៃផ្តល់ផល៥កន្លែង ក្នុងនោះក៏មានព្រៃឡង់ ផងដែរត្រូវដាក់ជាតំបន់ ការពារធម្មជាតិ។
ក្រសួងបរិស្ថានមានតំបន់ការពារធម្មជាតិសរុប៤១កន្លែង ដែលមានផ្ទៃដី ៥. ៨៧៤. ៥០៣ហិកតា រួមទាំង តំបន់ការពារធម្មជាតិដែលក្រសួងបរិស្ថានមានតាំងពីឆ្នាំ១៩៩៣ចំនួន ២៣កន្លែង ដែលមានផ្ទៃដី៣ ,២លាន ហិកតា៕