ជម្រើសជាតិចាប់ហាត់ទី២៣ ឧសភា មុនប៉ះក្រោនត្រៀមជួបទីម័រខាងកើត
ក្រុមបាល់ទាត់ជម្រើសជាតិកម្ពុជានឹងប្រកួតមិត្តភាពជាមួយក្លឹប បាល់ទាត់ភ្នំពេញក្រោននៅថ្ងៃទី២៧ ខែឧសភា ឆ្នាំ២០១៦ ខាងមុខនេះនៅវេលាម៉ោង៥ល្ងាច នាកីឡដ្ឋាន RSN មុនប៉ះជាមួយក្រុមទីម័រខាងកើតបន្តទៀតនៅ២ថ្ងៃបន្ទាប់។ នេះបើតាមបញ្ជាក់របស់លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិកម្ពុជា។
ក្រុមបាល់ទាត់ជម្រើសជាតិកម្ពុជា បានបញ្ចេញបញ្ជីឈ្មោះកីឡាករដែលត្រូវប្រមូលផ្ដុំទាំង២៥នាក់ ត្រៀមប្រកួតក្នុងវគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019 ជាមួយក្រុមជម្រើសជាតិតៃវ៉ាន់ហើយកាលពីប៉ុន្មានថ្ងៃមុននេះ។ កីឡាករទាំង២៥នាក់នេះ នឹងត្រូវទៅហ្វឹកហាត់រួមគ្នានៅទន្លេបាទី នាថ្ងៃទី២៣ខាងមុខ មុនពេលទៅប្រកួតមិត្តភាពជាមួយក្លឹបភ្នំពេញក្រោននៅថ្ងៃទី២៧ និងប៉ះជាមួយជម្រើសជាតិទីម័រខាងកើត នៅថ្ងៃទី២៩ខែនេះ។
ក្រុមកម្ពុជាធ្វើការប្រកួតមិត្តភាពនេះដែរ គឺដើម្បីត្រៀមខ្លួនប្រកួតជាមួយក្រុមជម្រើសជាតិតៃវ៉ាន់ក្នុង វគ្គជម្រុះបឋមនៃពានរង្វាន់ជើងឯកទ្វីបអាស៊ី AFC Asian Cup 2019 ដោយជើងទី១ ធ្វើនៅតៃវ៉ាន់ ក្នុងថ្ងៃទី២ ខែមិថុនា ហើយជើងទី២ ធ្វើនៅរាជធានីភ្នំពេញ ក្នុងថ្ងៃទី ៧ ខែមិថុនា ឆ្នាំ២០១៦នេះ៕
បន្ថែមពីលើបញ្ជីឈ្មោះខាងលើនេះដែរ សហព័ន្ធបាល់ទាត់កម្ពុជាទើបតែប្រកាសកាលពីព្រឹកមិញនេះថា នឹងកោះហៅកីឡាករវ័យក្មេង លី វ៉ាហេទ របស់ក្រុមបឹងកេតម្នាក់ទៀតមកចូលរួមហ្វឹកហាត់នៅថ្ងៃទី២៣ខាងមុខ នេះ៕
ជម្រើសជាតិចាប់ហាត់ទី២៣ ឧសភា មុនប៉ះក្រោនត្រៀមជួបទីម័រខាងកើត
Reviewed by No Cam
on
6:01:00 PM
Rating:
Reviewed by No Cam
on
6:01:00 PM
Rating:
No comments: