គូស្នេហ៍រឿង “ទេពឥន្ទ្រីបក្សីស្នេហ៍” សម្រេចចូលរោងការខែកក្កដានេះតែម្ដង
ក្រោយលេចឮពាក្យចចាមអារ៉ាមជាច្រើនពីសារព័ត៌មានផ្សេងៗ គូស្នេហ៍រឿង “ទេពឥន្ទ្រីបក្សីស្នេហ៍” រួមមានតារាសម្ដែង Michelle Chen និង Chen Xiao បានបញ្ជាក់ថាពួកគេនឹងដឹកដៃគ្នាចូលរោងការនៅខែកក្កដាខាងមុខ នេះ។
បណ្ដាញព័ត៌មាន Sina បានរាយការណ៍ថា តារាសម្ដែងស្រី Michelle Chen និងមិត្តប្រុសរបស់ខ្លួនលោក Chen Xiao បានសម្រេចចិត្តថានឹងប្រារព្ធពិធីរៀបអាពាហ៍ពិពាហ៍របស់ខ្លួននៅ ទីក្រុងប៉េកាំងប្រទេសចិននៅថ្ងៃទី ១៩ខែកក្កដានេះ។ បន្ទាប់មក នៅថ្ងៃទី ២១ខែកក្កដា អ្នកទាំង២នឹងមកកាត់ចំណងដៃនៅស្រុកកំណើតរបស់កូនក្រមុំគឺនៅ តៃវ៉ាន់ម្ដងទៀត។ តាមនេះដែរ ក្រោយកំពូលតារាសម្ដែង Fann Wong និង Christopher Lee នេះគឺជាគូស្នេហ៍ សៀវ ឡុងនី និង យ៉ាងគួ ទី២ដែលបានក្លាយជាប្ដីប្រពន្ធមែនទែននៅក្រៅរឿង។
និយាយពីមង្គលការរបស់ខ្លួន សៀវ ឡុងនីបានឲ្យដឹងថា៖ “ខ្ញុំមិនចូលចិត្តអ្វីដែលធំដុំនិងលេចធ្លោពេកទេ ព្រោះមង្គលការគឺជារឿងរបស់មនុស្សតែ២នាក់។ ខ្ញុំជាប្រភេទមនុស្សរ៉ូមេនទិក ហើយមិត្តប្រុសខ្ញុំក៏ដូចគ្នា។ ដើមឡើយ ពួកយើងគ្រោងរៀបការនៅតំបន់ទេសចរណ៍នៅជិតសមុទ្រមួយតែដោយសារមាន បញ្ហាមួយចំនួន ពួកយើងក៏ប្ដូរចិត្តវិញ”៕
គូស្នេហ៍រឿង “ទេពឥន្ទ្រីបក្សីស្នេហ៍” សម្រេចចូលរោងការខែកក្កដានេះតែម្ដង
Reviewed by No Cam
on
5:46:00 AM
Rating:
Reviewed by No Cam
on
5:46:00 AM
Rating:
No comments: