ពេលនេះ មូលនិធិអង្គរកំពុងបន្តចែកទឹកដល់រាប់ពាន់គ្រួសារ បាន១០ខេត្តហើយ
រហូតមកដល់ពេលនេះ មូលនធិអង្គរ សហការជាមួយក្រសួងឧស្សាហកម្ម និងសិប្បកម្ម នៅតែបន្តយុទ្ធនាការចែកទឹកជូនដល់ប្រជាពលរដ្ឋដែលខ្វះខាតទឹក សម្រាប់ទទួលទាន និងប្រើប្រាស់ ដោយសារគ្រោះរាំងស្ងួត។
លោកស្រី ប៊ួយ ចាន់សុធា ប្រធានមូលនិធិអង្គរ បានប្រាប់ឲ្យដឹងថា ក្នុងយុទ្ធនាការរយៈពេល១០ថ្ងៃកន្លងមកនេះ មូលនិធិអង្គរបានបំពេញបេសកកម្មគ្របដណ្ដប់បាន១០ខេត្តហើយ ដោយមានប្រជាជនរាប់ពាន់គ្រួសារមកទទួលយកទឹក។
ខេត្តទាំង១០នោះ មានកំពត កែប កំពង់ស្ពឺ កំពង់ឆ្នាំង បាត់ដំបង បន្ទាយមានជ័យ កំពង់សោម កោះកុង សៀមរាប និងឧត្តរមានជ័យ ហើយមូលនិធិអង្គរនឹងបន្តទៅខេត្តផ្សេងៗទៀតរហូតគ្រប់ខេត្តក្រុង ទូទាំងប្រទេស។
មូលនិធិអង្គរ គឺជាមូលនិធិរបស់ក្រុមហ៊ុនស្រាបៀរអង្គរដែលត្រូវបានបង្កើតឡើងតាំង ពីឆ្នាំ២០០៩ មកម្ល៉េះ ដើម្បីលើកកម្ពស់ការអប់រំរបស់សិស្សានុសិស្សដែលមានជីវភាពក្រីក្រ ឲ្យបានបន្តការសិក្សាដូចសិស្សដទៃ តាមរយៈការផ្ដល់សម្ភារៈសិក្សា និងសៀវភៅអានដល់សិស្សបឋមសិក្សា ព្រមទាំងផ្ដល់អាហារូបករណ៍ដល់សិស្សក្រីក្រពូកែឲ្យបានសិក្សាដល់ ថ្នាក់ឧត្ដម។ មកទល់ពេលនេះ មូលនិធិអង្គរបានផ្ដល់សម្ភារៈសិក្សាដល់សិស្សប្រមាណជា ៧០.០០០ នាក់ នៅតាម ១៣០ សាលាទូទាំងប្រទេស និងផ្ដល់អាហារូបករណ៍ថ្នាក់ឧត្ដមសិក្សា ៤០០ កន្លែងមកហើយ៕
ពេលនេះ មូលនិធិអង្គរកំពុងបន្តចែកទឹកដល់រាប់ពាន់គ្រួសារ បាន១០ខេត្តហើយ
Reviewed by No Cam
on
8:06:00 AM
Rating:
Reviewed by No Cam
on
8:06:00 AM
Rating:
No comments: