ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ
ក្រុមបាល់ទាត់ជម្រើសជាតិកម្ពុជាពេលប៉ះទីម័រ
មុនចាកចេញទៅនេះដែរ លោក Lee Tae Hoon គ្រូបង្វឹកកម្ពុជាបានបង្ហាញការតាំងចិត្តថាលោកនឹងខំប្រឹងប្រែង ឱ្យអស់ពីសមត្ថភាព ដើម្បីជួយក្រុមជម្រើសជាតិទទួលបានលទ្ធផលល្អក្នុងការប្រកួតមួយ នេះ។ ត្បិតតែប្រកួតក្រៅដីតែងតែពិបាកសម្រាប់កម្ពុជា ប៉ុន្តែគ្រូបង្វឹកសញ្ជាតិកូរ៉េខាងត្បូងរូបនេះមានក្ដីរំពឹង ខ្ពស់ទៅលើសមត្ថភាពកូនក្រុមរបស់ខ្លួន បន្ទាប់ពីបានឃើញពួកគេបង្ហាញទម្រង់លេងទល់និងក្រុមទីម័រខាងកើត រួចមក។
លោក Lee បានបន្តថា សមាជិកក្រុមទាំងអស់ត្រូវលេងសហការគ្នា យល់ចិត្តគ្នា ឱ្យបានល្អបំផុតជាងប៉ះទីម័រ ព្រោះយុទ្ធសាស្ត្ររបស់លោកនៅប្រកួតជាមួយក្រុមឆាយនីសតៃប៉ិនេះ នឹងការពារឱ្យខ្លាំង ហើយវាយបកឱ្យលឿនបំផុតតាមតែអាចធ្វើទៅបាន។ ឆាយនីសតៃប៉ិជាក្រុមខ្លាំង ប៉ុន្តែលោករំពឹងថាកម្ពុជាក៏ធ្វើបានល្អដូចការរំពឹងទុកផងដែរ។
កាលពីឆ្នាំ២០១៤ កន្លងទៅក្នុងប្រកួតមិត្តភាព ក្រុមកម្ពុជាធ្លាប់ឈ្នះឆាយនីសតៃប៉ិ ដោយលទ្ធផល ២-០ ម្ដងហើយ នៅទឹកដីឆាយនីសតៃប៉ិ អីចឹងចាំមើលលទ្ធផលនៅថ្ងៃទី២ខាងមុខនេះវិញ ថាតើកម្ពុជានៅតែរក្សាលទ្ធផលឈ្នះនេះបានដែរឬទេ? ខណៈដែលជើងទី២ នឹងត្រូវធ្វើឡើងនៅពហុកីឡដ្ឋានជាតិម្ដង នៅថ្ងៃទី៧ខែមិថុនា ឆ្នាំ២០១៦៕
ព្រឹកនេះ កម្ពុជា ចេញទៅឆាយនីសតៃប៉ិ សង្ឃឹមរក្សាកំណត់ត្រាឈ្នះ
Reviewed by No Cam
on
6:15:00 PM
Rating:
Reviewed by No Cam
on
6:15:00 PM
Rating:
No comments: